Advanced Search
Search Results
535 total results found
Muturretako batean maiztasun txikiak eta beste muturrean handiak dituen banaketa estatistikoa, ondorioz grafikoki J hizkiaren edo horren alderantzizkoaren itxura maiztasun-kurba bat duena.
J itxurako banaketa
Aldagai estatistiko batek hartzen dituen balioak eta horietako bakoitzaren maiztasuna edo probabilitatea azaltzen dituen taula, funtzio edo bestelako adierazpena, analitikoa nahiz grafikoa.
banaketa estatistiko
Fenomeno bat espazio geografiko batean zehar nola banatzen den, non eta zenbateko magnituderekin, azaltzen duen adierazpena, taula moduan edo mapa baten bitartez.
banaketa geografiko
Migraziorik gabeko populazioa eta beraz haren tamaina jaiotza eta heriotza kopuruen mendean baino ez dagoena.
populazio itxi
Parametro ezezagun bati buruzko konfiantza-tarte bateko balio minimoa edo maximoa, puntu-estimazio bati konfiantza-mailaren eta errore estandarraren araberako balio bat kenduta edo gehituta.
konfiantza-muga
Populazioaren banaketa adinaren, sexuaren eta beste parametro demografikoen arabera.
egitura demografiko
Bi aldagai dikotomiko jasota, haien kategoriak gurutzaturik eratzen den maiztasun-taula, bereziki tratamendu edo ezaugarri bat izanda, efektu bat nolakoa den azaltzen duena.
2x2 kontingentzia-taula
Galdetegi bateko item edo galdera indibidualen egokitasuna aztertzen duen analisi estatistikoa.
itemen analisi
Sektore ekonomiko batetik besterako ekoizpen-sarrera (input) eta irteera (output) zehazten dituen sarrera biko taula, haien arteko lotura produktiboen analisi ekonomikorako erabiltzen dena.
input-output analisi
Datu-multzo handiak esploratu egiten dituen teknika malgu, zabal eta anitza, datu haietan egitura edo joera jakingarriak eskuratze aldera.
datu-meatzaritza
Gizabanako-talde jakin bati denboran zehar une desberdinetan jasotako datuetako bakoitza.
panel-datu
Modalitate bi baino gehiago dituen aldagai kualitatiboa.
aldagai politomiko
Jasotako lagin edo kasu bakan batzuetatik ateratzen diren ondorio orokorren baliozkotasuna.
orokorgarritasun
Objektu, gertaera edo bestelako entitate bat datu bidez adieraztea.
datafikazio
Grafiko batean batez besteko neurri baten inguruan marrazten den barra, neurri horren bi aldeetara egon daitekeen errorea adierazteko, neurri horren desbideratze estandarraren arabera.
errore-barra
Bi kategoria baino gehiagotan probabilitate jakinekin sailkatzen diren tamaina jakineko multzo batean, kategoria desberdinak hainbat alditan agertzeko probabilitatea ematen duen legea.
banaketa multinomial
Bi gertakizun edo gehiago batera edo aldi berean, ebaketa bidez loturik alegia, gertatzeko probabilitatea.
baterako probabilitate
Eredu zientifiko batek aztertzen duen sisteman erlazionatzen diren aldagaietatik, bere balioa kanpotik finkatuta dakarren aldagaia.
aldagai exogeno
Aztarna arkeologikoen ezaugarri fisiko eta kimikoak aztertzen dituen estatistikaren adarra.
arkeometria
Datu-multzoen ezaugarri oinarrizkoenak deskribatu egiten dituen estatistikaren adarra, teknika kuantitatibo sinpleak eta grafikoak baliatzen dituena.
estatistika deskribatzaile