euste-horma

1.  (ingeniaritza)  izena · Ezponda bateko lurra eusteko eraikitzen den horma.

sagu optiko

1.  (informatika)  izena · Gainazal baten gainean jarrita, argia igorri eta horren islada sentsore batean jasoz berarekin egiten den mugimendua jasotzen duen sagua.

tarrapatatan

1.  (onomatopeia) Iskanbila eta zalaparta adierazteko.

2.  (onomatopeia) Trenaren triki-traka adierazteko.

tarrapatan

1.   aditzondoa · Presaka; arinki.

nazioarteko merkataritza

1.  (ekonomia)  izena · Munduko nazio eta herrialdeen artean gertatzen diren truke komertzialen multzoa.

artzakur

1.  (aldaera) (abeltzaintza)  izena · Artzain-txakur.

elikatu

1.   aditza · Bizitzarako beharrezkoak diren mantenugaiak hartu edo eman.

2.   aditza · Funtzionatzeko, aurrera edo indarrean jarraitzeko edo hornitzeko beharrezkoa dena eman edo hartu.

ardi-txakur

1.  (aldaera) (abeltzaintza)  izena · Artzain-txakur.

artzain-txakur

1.  (abeltzaintza)  izena · Ardiak eta bestelako abereak zaintzeko hezia dagoen txakurra.

artzanor

1.  (abeltzaintza)  izena · Ardiak eta beste abereak zaintzeko baliatzen den txakurra.

fotokazetaritza

1.  (kazetaritza)  izena · Fotokazetariaren edo argazkia kazetaritza-laneterako egiten dituen argazkilariaren lanbidea.

2.  (argazkilaritza)  izena · Gertakari sozialak argazki bidez dokumentatzen dituen kazetaritzaren eta argazkigintzaren azpigeneroa.

uju egin

1.  (aldaera)  aditza · Oihu egin.

buztin-horma

1.  (arkitektura)  izena · Buztina kofratuetan sartuz eta lehortzen utziz altxatzen den horma.

minifundismo

1.  (geografia)  izena · Landa eremuko labore-lurrak minifundio izeneko lursail txikietan banatuta dauden jabetza-sistema, berarekin produktibitate eskasekoa dakarrena.

fotokazetari

1.   izena · Kazetaritza-lanetarako edota gertakari sozialak dokumentatzeko argazkiak egiten dituen argazkilaria.

nerbio-sistema

1.  (biologia)  izena · Izaki bizidun batzuengan, zentzumenetatik jasotako informazioa jaso eta gorputzaren erreakzioak koordinatzen dituen sistema fisiologikoa, neuronetatik abiatzen diren nerbioek osatua.

transposoi

1.  (biologia)  izena · DNA sekuentzia edo zatia, organismo jakin baten genoman zehar mugitu daitekeena, mutazioak sorraraziz horrela.

funtzio deribatu

1.  (matematika) (aldaera)  izena · Deribatu-funtzio.

deribatu-funtzio

1.  (matematika)  izena · Aldagai independentea edozein puntutan gehitzean, haren funtzio matematikoaren malda edo gehikuntza erlatiboa ematen duen funtzioa.

gizaldra

1.   izena · Jende multzo handia.

gizalde

1.  (aldaera) (ipar)  izena · Jendalde.

dirutza

1.   izena · Diru kopuru handia.

inhibigarri

1.  (aldaera)  izena · Inhibitzaile.

inhibitzaile

1.   izena · Inhibitu, eragotzi edo geldiarazi egiten duena.

langabezia-prestazio

1.  (ekonomia)  izena · Langabezian geratzen den langileak epe batean zehar jasotzen duen diru-kantitatea, aurretik Gizarte Segurantzari egindako ekarpenen araberakoa.

eguzki zuri

1.  (meteorologia)  izena · Zeru garbia.

geotekniko

1.  (geologia)  adjektiboa · Geotekniari dagokiona: geotekniaren bitartez garatu dena.

geoteknia

1.  (geologia)  izena · Eraikuntzen egonkortasuna eta iraupena ziurtatze aldera lur-material eta eremuen ezaugarriak ikertzen dituen ingeniaritzaren eta geologiaren adarra.

termoelektriko

1.  (ingeniaritza)  adjektiboa · Beroaren bitartez elektrizitatea sortzen duena.

termotekniko

1.   adjektiboa · Termotekniari dagokiona; termoteknia baliatuz garatzen dena.