abenturak eta kalenturak

1.  (pluralean) (adierazkorra)  izena · Pertsona batek pasatako pasadizoak eta komeria xelebreak.

adimena argitu

1.  (adierazkorra)  aditza · Gauzak adimenera erakutsi edo argi eta garbi ikusi.

alfer gorotz

1.  (adierazkorra)  izena · Oso alferra; oso nagia.

antzarak ferratzera bidali

1.  (adierazkorra)  aditza · Norbait gaitzetsi edo arbuiatu.

astarrak kumea egiten duenerako ikasiko du horrek euskara

1.  (ironia) (adierazkorra) (behe mailakoa)  esaldia · Aipatzen den pertsonak euskara inoiz ikasiko ez duela adierazteko.

aterik adina maratila eduki

1.  (adierazkorra)  izena · Denetarako aitzakia izan.

auzoko ateak ixtera joan

1.  (adierazkorra)  aditza · Horren beharrik gabe, arazoetan sartu.

azaren azken orri

1.  (adierazkorra)  izena · Balio eskaseko gauza edo pertsona.

baratxuria baino finago

1.  (adierazkorra)  adjektibo · Pertsona bati buruz, oso fin edo bikaina.

barrenak astindu

1.  (adierazkorra)  aditza · Asaldatu, asko larritu edo aztoratu.

barruak astindu

1.  (adierazkorra)  aditza · Barrenak astindu.

begiluze

1.  (adierazkorra)  adjektiboa · Besteei buruz jakin nahian ikuska edo kuxkuxean ibiltzen dena.

2.   adjektiboa · Beste batek duena irrikatzen duena.

3.   adjektiboa · Aurrez adierazitakoa baino gutxiago jaten duena.

begirik kendu ez

1.  (adierazkorra)  aditza · Etengabe begiratu.

biak uztarrian jartzeko modukoak izan

1.  (adierazkorra)  aditza · Bi pertsona berdin-berdinak izan.

biak uztarrian joateko modukoak izan

1.  (adierazkorra)  aditza · Biak uztarrian jartzeko modukoak izan.

birrin-birrin egin

1.  (adierazkorra)  aditza · Birrindu.

bost jakin

1.  (bizk) (adierazkorra)  aditz · Ezer ez jakin.

burua berotu

1.  (adierazkorra)  aditza · Norbait zerbait egiteko konbentzitu, bereziki temaz egiten denean.

duda-muda

1.  (adierazkorra)  izena · Zalantza, duda.

duda-mudan

1.  (adierazkorra)  aditzondoa · Egin beharrekoaz edo zerbaiten zuzentasunaz mintzatuz, zalantzan.

duda-mudatan

1.  (adierazkorra) Egin behar denari edo zerbaiten egiatasunari buruz, zalantza askorekin.

egun on Jainkoak

1.  (adierazkorra)  interjekzioa · Egunaren hasieran agurtzeko.

ez horixe

1.  (adierazkorra)  interjekzioa · Erabateko ezezkoa adierazteko.

fandangoaren buelta etorri

1.  (irudizkoa) (adierazkorra)  aditza · Gauzak guztiz aldatu.

galtzak bete lan

1.  (adierazkorra)  aditzondoa · Egiteko lan askorekin.

galtzak bete lan ibili

1.  (adierazkorra)  aditza · Oso lanpetuta egin.

ganbara pipiak jota izan

1.  (adierazkorra)  aditza · Ganbara pipiak jota eduki.

gezurra astoak puzkerra baino merkeago eduki

1.  (adierazkorra) (lagunartekoa)  aditza · Gezurretan maiz aritu.

gibel handi

1.  (lagunartekoa) (adierazkorra)  izen · Ardurak arin eta larritu gabe hartzen dituen pertsona.

hamaika aldiz

1.  (adierazkorra)  aditzondo · Aldi askotan.

hamaika aldiz

1.  (adierazkorra)  aditzondoa · Aldi askotan, behin eta berriz.

harri eta horma

1.  (adierazkorra)  aditzondo · Lo sakonean.

2.   aditzondoa · Sasoian, osasun onarekin.

3.   aditzondoa · Zerbait adierazten denean, oso zorrotz.

hau da pagotxa, hau

1.  (adierazkorra)  interjekzioa · Zerbait merke edo neke handirik gabe lortu dela adierazteko.

hitzontzi

1.  (adierazkorra)  adjektiboa · Asko hitz egiteko joera duena.

hogeita hamaika eskutik eduki

1.  (adierazkorra)  aditza · Egoera bati buruz, kontrolpean eduki.

hori da hori pagotxa

1.  (adierazkorra)  interjekzioa · Gauza bat merke edo neke handirik gabe lortu dela adierazteko.

ihiak bezala edan

1.  (adierazkorra)  aditza · Asko edan.

korrika eta presaka

1.  (adierazkorra)  aditzondoa · Oso azkar.

larrutik ordaindu

1.  (irudizkoa) (adierazkorra)  izena · Egindakoagatik ondorioak pairatu edo zigorra jaso.

larrutik pagatu

1.  (adierazkorra) (irudizkoa)  aditza · Egindakoaren ondorioak pairatu, egindakoagatik zigorra jaso.

lekutan

1.  (adierazkorra)  aditzondoa · Oso urruti.

lumatu gabeko txorikume

1.  (irudizkoa) (adierazkorra)  izena · Pertsonei buruz, oso gaztea.

marka guztiak hautsi

1.  (adierazkorra)  aditza · Sekulako balentriak edo lorpenak egin.

2.  (adierazkorra) (ironia)  aditza · Jokabide desegokia edo okerra izaten duen pertsona edo erakunde bati buruz, inoiz baino okerrago jokatu.

3.   aditza · Fenomeno edo emaitza bat inoiz izan duen maila edo magnitude gorenera heldu.

nork bere opilari ikatza eman

1.  (adierazkorra)  aditz · Nork bere interesen alde jokatu.

nork bere opilari su eman

1.  (adierazkorra)  aditz · Bakoitzak bere interesen alde jokatu.

oiloa irabazi eta kapoia galdu

1.  (irudizkoa) (adierazkorra)  izena · Gero eta okerrago egon edo ibili.

piperrik

1.  (ezezko perpausetan) (adierazkorra)  izena · Ezer ez edo oso gutxi.

potro handi

1.  (lagunartekoa) (adierazkorra)  izena · Egin beharreko lanak eta orokorrean ardurak gehiegizko lasaitasunez, larritu gabe, hartzen dituen gizona.

talaian egon

1.  (adierazkorra)  aditza · Adi egon, zelatan egon.

titare batean ito

1.  (adierazkorra)  aditza · Edozein arazoren aurrean, baita txikienekin ere, larritu edo estutu.

titarekada bat uretan ito

1.  (adierazkorra)  aditza · Titare batean ito.

txakur

1.  (zoologia)  izena · Kanidoen familiako ugaztun etxekotua, lanerako edo maskota moduan erabiltze dena, arrazaren arabera tamaina eta itxura oso ezberdinak dituena.

2.  (gutxiesgarria)  izena · Poliziako kidea.

3.  (gutxiesgarria)  izena · Pertsona maltzurra.

4.  (adierazkorra)  adjektibo · Eguraldiari buruz, txar-txarra.

5.  (teknologia)  izena · Mekanizazioan, pieza eutsi eta finkatzeko baliatzen den brida modukoa.

txantxikutar

1.  (adierazkorra)  izena ·  adjektiboa · Oñatiarra, Oñatiko herritarra.

ur erre

1.  (adierazkorra)  izena · Gauza hutsal edo ezertarako balio ez duena.

ur gaineko bitsetan

1.  (irudizkoa) (adierazkorra)  aditzondoa · Poz-pozik, izugarri gozatzen; batere arazorik gabe.

ur-bitsetan

1.  (aldaera) (irudizkoa) (adierazkorra)  aditzondoa · Ur gaineko bitsetan.

uraren gaineko bitsetan

1.  (aldaera) (irudizkoa) (adierazkorra)  aditzondoa · Ur gaineko bitsetan.

zainak airean

1.  (adierazkorra) (irudizkoa)  aditzondoa · Oso urduri; urduritasun handiz.

zar-zar

1.  (adierazkorra)  aditzondoa · Jariatzen ari den likidoa adierazteko.

2.  (adierazkorra)  aditzondoa · Euriaz mintzatuz, barra-barra.

zirri-zarra

1.  (adierazkorra)  aditzondoa · Igurtziz edo karrakatuz.

2.  (adierazkorra)  aditzondoa · Zirriborro edo zirrimarrak eginez.