besare

1.  (nekazaritza)  izen · Zurezko plataforma baten azpian burdinazko hortzak dituen tresna, irauli gabe soroetako lurra harrotzeko erabiltzen dena.

eskuare

1.  (nekazaritza)  izen · Kirten luze bati erantsitako hortz zerrenda lerrokatua duen tresna, belarra edo hostoak biltzeko erabiltzen dena.

etxalde

1.  (nekazaritza) (abeltzaintza)  izen · Nekazari edo abeltzainen bizitoki eta lantoki diren etxe, instalakuntza eta haiei atxikita dauden lurren multzoetako bakoitza.

igitaldi

1.  (nekazaritza)  izena · Belarra, zerealak eta igitaiaz mozten diren beste laboreak biltzeko garaia.

igitari

1.  (nekazaritza)  izena · Igitaiaz edo horren ordezko tresnak baliatuz uzta biltzen duen pertsona.

ildokatu

1.  (nekazaritza)  aditz · Lurra goldatzeko ildoak egin.

---

2.  (hedaduraz)  aditz · Bidea ireki.

kizki

1.   izen · Metalezko zati luzexka eta bihurria, gauzak zintzilikatu eta arrastaka eramateko.

---

2.  (nautika)  izen · Metalezko punta duen makila, baserrietan sagarrak edo bestelako fruituak bildu eta arrantza-ontzietan arrain handiak ontzigainera ekarri eta arrastaka eramateko.

---

3.  (ipar) (nekazaritza)  izen · Garia bildutakoan lurrari atxikita gertatzen den landare zati lehorra.

labore-lur

1.  (nekazaritza)  izen · Laboratu edo landu egiten den lursaila.

lastategi

1.  (nekazaritza)  izena · Lastoa gordetzeko lekua.

lastoztagailu

1.  (nekazaritza) (abeltzaintza)  izena · Eremu batean lastoa zabaltzen duen gailu mekanikoa.

mahastizaintza

1.  (nekazaritza)  izen · Mahastien laborantza edo hazkuntza.

ortuari

1.  (nekazaritza) (bizk)  izena · Ortuan edo baratzean elikagai gisa landatu, laboratu eta bildu egiten diren landare, tuberkulu eta fruituak.

pentze

1.  (nekazaritza) (ipar)  izen · Belarra hazten den zela edo lursaila.

sakaildu

1.  (bizk)  aditz · Sarraskitu, akabatu, larriki zauritu heriotza eragiteraino.

---

2.  (bizk) (nekazaritza)  aditz · Sagar, gaztain edo beste fruitu bat ireki edo zatikatu, ebaki handiak eginez.

sekain-lur

1.  (nekazaritza)  izen · Ureztatzen ez den labore-lur.

txertaketa

1.   izena · Txertatzeko ekintza eta horren ondorioa.

---

2.  (medikuntza)  izena · Izaki bizidun bati txertoa edo immunitatea hobetzeko organismoarengan antigorputzak sorrarazten dituen substantzia inokulatu edo organismora sartzea.

---

3.  (nekazaritza)  izena · Landare edo zuhaitz bati bere espezieko edo beste espezie bateragarri bateko kimu bat eranstea, bi landareetako ezaugarriak bateratu eta espezimen hobea lortze aldera.

urkulu

1.  (nekazaritza)  izen · Bi hortzetako lanabesa, belarra, lastoa eta antzekoak igo eta jaisteko erabiltzen dena.

uztaro

1.  (nekazaritza)  izena · Uzta biltzeko garai edo sasoia.